Serekê Pêroyî yê Partîya Komunîste ya Kurdistanî (KKP) Sînan Çîftyurekî, nêrazîbîyayîşê xo tehdît û plananê operasyonê leşkerî yê verba Vakur û Rojakewtena Sûrîye rê mojna û ard ziwan ke îttîfaqo faşîst ê AKP-MHP'yî seba ke otorîterzmê xo dewam bikero, qerarê şerî da û înan ra ber kesêk nê şerî ra kar nêkeno.

 Sînan Çîftyurekî parbe kerd va: "Şarê Kurdî bi heq o, qet erdê xo terk nêkeno. Seba Kurdan xoverdayîş û têkoşînî ra ber çareyêk çin a. Kurdî vizêr Kobanê de ser kewtî û ewro zî xo ver bidê û ser bikewê. Her ca ke tede Kurdî ciwîyenê ganî bi ruhê xoverdayîşî wayîrê heqanê xo bivejîyê û verba îşxalkarîye paşt bidê yewbînan. Şarê Kurdî hêrişê kesêkî nêkeno. Têna destkewteyanê xo paweno. Kurdan senî seba merdimîye şer kerd û erjê merdimîye pawit, ganî ewro zî pêroyê cîhanî paşt û dest bido Kurdan. Seba yewîya Kurdan ewroyî ra ber wextêko musbetêr çin o. Ganî Kurdî nê çaxî de yewîya xo saz bikê û pîya destkewteyanê xo bipawê. Vakur de ma senî seba zulmê qeyûman bîyî yew, ganî ma seba erdê xo yê Rojawanî zî wina bibê yew û têkoşîne bikê. Eke ma pîya zîl û germ bibê , ma do tîya de bingeyê îttîfaqê neteweyî danê. Şayî û xemgînîya ma yew a, ganî ma yewîya xo zî saz bikê û bi yew veng verba hêrişan vinderê."