Serekê YNKyî Bafil Talabanî bi wesîleya serrgêra Qirkerdişê Êzidîyan hesabê xo yê medyaya sanale de mesajêk pare kerd.

Bafil Talabanîyî vat: ''Qirkerdişo ke hetê terorîstanê DAÎŞî ra vera êzidîyan ame kerdene zerrîya ma pêrune de sûcêko nîno vîraşîyayene û dejo pîl o. Ma ewro bi dejê girdî êzidîyanê erjîyayeyan ê  ke herra xo de têna ameyî verdayene û ameyî qetilkerdene yad kenê.''

Talabanî ard ziwan ke ê do sey YNKyî seba ke Şingal newera bêro înşakerdene û şarê êzidî agêro herra xo xîret bikerê û vat ê vera kayanê sîyasîyan ke cuyeya êzidîyan erzenê tehluke hîşyar ê û semedê pawitişê heqanê êzidîyan û nê tarîxê muhîmî yê kurdan stratejîya xo aver berda.