Serekê Yekîtiya Niştimanî ya Kurdistanê (YNK) Bafil Celal Talabanî Baxdad de tewrê konferansêk bi. Bafil Talabanî bale ante hêrişanê dewleta tirke yê vera Herêma Kurdîstanî ser û vat: ''PKK dişmenê ma nîyo û tekîlîya ma est a. Qet yew partîya kurdan rê ke herra Herêma Kurdîstanî ya dişmenîya ma çîn a. Hêrişê dewleta tirke yê vera herême dewam kenê. Hîrê embazê mi ke vera DAÎŞî şer kerdêne hetê dewleta tirke ra ameyî kiştene. Coka ganî dewleta tirke rewşa xo ya îstîxbarat  leşkerî  çimî ra ravêrno.''

Bafil Talabanî derheqê qeraranê ke Mehkemeya Federale ya Iraqî girewtî de zî wina vat ''Seba ke weçînayîşê herême serranê verênan de bi tewirê biedaletî ameyî kerdene nê qerarê mehkeme ke seba weçînayîşê Parlamentoyê Herême ya Kurdîstanî girewtî, giran ê.''

Bafil Talabanî vat: ''Tay hêzî wazenê ke wa hêzê Amerîka Iraqî ra vejî la goreyê pêkerdişê neweyî ê do Iraq de bimanê. Amerîka wa nê zaf hole bizano ke Iraq semedê menfeatê xo wazeno ke bi welatanê bînan zî tekîlîya xo aver bêro. Washington ganî nê fam bikero.''