Taxa Fatîhî ya qezaya Baglarî ya Amedî de polîsan serê sibayî eşt serê keyeyê Emîne Ulkere. Polîsan berê keyeyî şikit û keye de cigêrayîş kerd. Emîne Ulkera ke o çax keye de bîya, semedê parekerdişî yê medyaya komelkîye bi derbkerdişî hetê polîsan ra ameye destbendkerdene. 

Dadîye Muşeher Ulkere zî verba şîdetê polîsanê ke keye serûbin kerdêne û endamanê keyeyî rê heqaret kerdêne, vejîyaye. Polîsan çeke ante sereyê dadîye û pê vatişanê 'Hiş bike yan ma to bikişê'  a tehdît kerd. Emîne Ulkere (29) dimayê cigêrayîşê keyeyî ameye berdene bi Mudirîya Asayîşî ya Amedî.

Muşehere vera nê hêrişî hêrisê xo wina ard ziwan: ''No wahşet o, polîsan serê sibayî eşt keyeyê ma ser. Seba ke polîsî pê postalan ameyî zere ez verba naye vejîyaya û polîsan zî vat "Lingê ma destmaj ê, çi eleqeyê şima  bi dînî esto?" polîsan mi tehdît kerd û vat "Ma to xeniqnenê, hayîya çewî zî pê nêbena.'' Keyneya mi pê paskilan ameye pirodayene. Mi polîsan rê vat ke yew domanê mi wefat kerd, oyo bîn şervanê HPG'yî yo, yewna bîne zî tepişte ya, domanê mi rîyê tedaya şima ra şîyê serê koyan.  Ma nê neheqîyan qebul nêkenê do çi rey nêkerê.''