Dewleta tirke ya îşxalkere 100 leşker û 25-35 wesayîtê zirxînî Dêrelok û dormeyê ci rê sewq kerdî. Leşkerî tîya de noqta û baregehanê bînan rê ameyî erşawitene. Wesayîtê zirxînî de erşawîyayî herêma Serzêrê.

Çimeyêkî Rojnewsî rê dîyar kerd ke artêşa tirke ya îşxalkere bi hemkarîya PDKyî herême de amadekarîyanê xo yê operasyonan rê dewam kena.

 Çimeyî vat: ''Artêşa tirke ya îşxalkere şewa bîne noqtaya kontrolî ya herêma Dêrelokî ya qezaya Amedîyê ya Dihokî rê 100 leşkerî erşawitî. Nê leşkerî peya ameyî berdene bi wareyê Reşave û uca ra zî sewqê baregehan bîyî.''

Çimeyî bale ante têgêrayîşê leşkerî yê bînî ser û vat: ''Dêrelokî ra noqtayanê bînan ê Başûrî rê zî 100 leşkerê bînî erşawîyayî. Şewe 25-35 wesayîtê zirxînî awil erşawîyayî Çelê, tîya ra sewqê Serzêrê ameyî kerdene û tîya ra zî baregehanê Dêrelok û Amedîyê rê ameyî vilakerdene.''