Silêmanî de 10 partî û rêxistinanê komelê sîvîlî pîya bi nameyanê xoseran, rojnamevan û aktîvîstan vera îşxalê dewleta tirke rayraşîyayîş organîze kerd. Çalakîye de bi hezaran kesan vera îşxalî hersê xo ard ziwan.
Silêmanî de vera hêrişê îşxalî yê dewleta tirke bi tewrbîyayîşê hezaran kesan rayraşîyayîşêk ame kerdene.
Rayber û endamê partîyanê sîyasîyan, aktîvîst û rojnamegerî tewrê çalakîye bîyî. Çalakwanan pê sloganan hersê xo yê vera hêrişê îşxalî yê dewleta tirke ard ziwan mesajê xoverdayîşî dayî.
Eşkerayîye de ame vîrardene ke hêrişanê dewleta tirke de bi seyan sîvîlî ameyî qetilkerdene, bax û bexçeyê şarî ameyî vêşanyene û xeylêk dewî ameyî vengkerdene û nê dewan de çeteyê dewleta tirke ameyî cakerdene û ame vatene seba ke Hukmatê Herême vera hêrişan bêveng o dewleta tirke hêrişê xo zêdînena. Qiseykerdişan de ame vatene ganî kuçeyî vera îşxalî bibê warê xoverdayîşî û kurdî yew cephe de pîya têkoşîn bikerê.
