Partîya Hizbî Zehmetkêşan Silêmanî de derheqê welatperwerîye û wezîfeyanê vera îşxalî de panelêk kerd.

Îdarekarê Partîya Zehmetkêşan Bextîyar Dirêjî panel de qisey kerd û bale ante hêrişanê vera Kurdîstanî ser. Dirêjî vat: ''Ganî çapemenîye destûr nêda qirkerdişî. Dewleta tirke sey DAÎŞî hêriş kena û bêvengîya rayaumûmîya mîyanneteweyî ra hêz gêna.Tay dezgehê çapemenîye zî seba meşrûkerdişê îşxalî xîret kenê.''

Akademîsyenê Zanîngehê Silêmanî Hewjîn Mele Emînî zî vat: ''Wezîfeyê exlaqî û welaperwerî yê çapemenîye û medya estê la tay dezgehê çapemenîye sey bazirganî têgêrenê. Ganî vera ney ma bêveng nêmanê. Ganî çew nê dezgehan ra bawer nêkerê.''

Beşdaran îfade kerd ke tay dezgehê çapemenîye xîret kenê ke nêrazîbîyayîşê şarî kêm bikerê û îşxalî meşrû bikerê.