Hêrişê dewleta tirke yê vera Zap, Metîna û Avaşînî merkezê Silêmanî û qezayanê ci Çemçemal û Derbendîxane de ameyî protestokerdene.

Silêmanî de Komîteya vera Îşxal û Şerî, verê Ofîsê Parlamentoyê Iraqî yê Silêmanî de hêrişê dewleta tirke yê vera Zap, Metîna û Avaşînî bi eşkerayîyêke protesto kerdî. Xeylêk akademîsyen, temsîlkarê partîyan, rêxistinanê komelê sivîlî, aktîvîst û rojnamegerî tewrê çalakîye bîyî. Komîte waşt ke wa dewleta tirke erdê Başûrî ra bêra vetene.

Bajarekê Tekye yê qezaya Çemçemalî û qezaya Derbendîxanê de zî hêrişê îşxalî bi eşkerayîyan ameyî protestokerdene. Eşkerayîyan de ame waştene hukmatê Iraqî û hukmatê Herêma Kurdîstanî vera hêrişan bêveng nêmanê. Eşkerayîyan de venga Neteweyanê Yewbîyayeyan, Konseya Asayîşî û hêzanê mîyanneteweyîyan ame dayene ke verê hêrişanê Tirkîya bigêrê.