Îran polîtîkaya asîmîlasyonî bi hawayêkê xurtî ano ca. Dewleta Îranî pê pêro metodan hêrişê kurdan keno.

Dewa Bahramabadî ra Efrûz Ferûhzade ANFyî rê qala polîtîkayanê Îranî kerde. Efrûze vat: ''Dewlete herême bi herême gêrena, taybetmendîyanê kurdan tesbît kena û pê hêzêkê nermî sîyasetê helnayîşî ana ca. Îran verdeno ke şarê pê ziwanê xo kursan abikerê xebatan bikerê. La nêverdeno bi hawayêkê komkî nê xebatî bêrê kerdene. Îran nasnameyê farsan keno populer û keno ke her kes bala xo bido ser. Mîsal kurdkî de nika zêdêr çekuyê farskî estê.''

Efrûze pare kerd ke Rojhelatê Kurdîstanî de radyo û televîzyonê bi kurdkî estê la ê zî bi kurdkî propagandaya dewlete kenê. Efrûze ard ziwan ke dewleta Îranî cade ciwanan zewijneno û nêverdeno ê bi rehetî têbigêrê.

Efrûze eşkera ker ke dewlete bi taybetî Sine, Kirmanşan û Ûrmîye de nê polîtîkayan ana ca û bi taybetî Sine de verê rêxistinanê ciwanan gêna. Efrûze pare kerd ke ciwanê Rojhelatê Kurdîstanî welatperwer ê û coka dewlete tim tede vera PJAKî propaganda kena.