Sûr de pêrodayîşo bisîleh de 2 kesî merdî 2 zî birîndar bîyî
Qezaya Sûrî ya Amedî de pêrodayîşê bisîlehî yê mabênê di grûban de 2 kesî merdî 2 kesî zî birîndar bîyî.
Mehleya Alîpaşa ya qezaya Sûrî ya Amedî de pêrodayîşê mîyanê di grûban de 2 kesan cuya xo vîndî kerde û 2 kesî zî bîrîndar bîyî.
Goreyê zanayîşan mabênê di grûban de pêrodayîşêk ke sebebê ci nêno zanayene vejîya, grûbî pêrodayîş ra dima cêra bî, şîyî keyayanê xo û badê coy bi sîlehan agêrayî û pêkewtiş vejîya.
Pêkewtiş de 4 kesê ke birîndar bîyî înan ra 2 kesan nêweşxane de cuya xo vîndî kerde.
