Erdlerzê 6ê Sibate de Amed de 30 beşê Sûran û 3 camîyan de texrîbat virazîyabi. Sûrê Amedî yê tarîxîyî yê ke mîyanê Lîsteya Mîrasê Dinya ya UNESCOyî de cagênê, nînan de 30 noqtayan de xesar ame tesbîtkerdene. 

Texrîbato tewr pîl de Burcê Kênayan û Burcê Koyan de virazîyayo. Camîya Çarlinge, Camîya Sefa û Camîya Behram Paşayî de zî xesarî est ê. Nînan ra teyna Camîya Sefa de xebata restorasyonî dîyaye destpêkerdene.

Sûrê texrîbbîyayeyî 7 mengî yo terkê qederê xo bîyî. Sûran de restorasyon nêame kerdene û erdlerzî ra heta nika xeylêk kerrayê Sûran zî rijîyenê. 

Serekê Şubeyê Amedî yê Odaya Muhendîsanê Înşaetî (ÎMO) Mahsum Çîya Korkmazî vera rewşe nêrazîbîyayîşê xo mojna û vat: ''Vanê ke seba restorasyonî ê pabeyê îhale yê. La eke selahîyetdarî biwazê rojêke de zî îhale kenê. Her çî ra ver ganî kerrayê Sûran ê tarîxîyî bipawîyê. Kerrayê ke rijîyayê, çin ê. Heta ke awanîya tarîxîye nêpawîye çira restorasyon yeno kerdene? Eke ma vanê ke Sûr nasnameyê ma yo ganî ma wayîrê ci vejîyê.'' 

Korkmazî ard ziwan ke ganî cade Sûrê texrîbbîyayeyî bêrê restorekerdene û kerrayê rijîyayeyî bipawîyê.