Hîkayeyî sey rayîran ê. Hîkayeya ke mi goş da ci Şingal de dest pêkena û heta Halebî uca ra zî heta Heftanînî şina. Na hîkayeya Demhat Efrînî ya.

Demhat Efrîn serra 2001î de Şingal de dadîyêka erebe ra ameyo dinya. Demhat bi bawerîya xo beno pîl û serran ra dima rojêka qiyamete de sond wend ke ê do teslîmê kesî nêbo. Çimeyê ey bi trajedîyanê Fermanê 73. bîyî pirr.

Demhat ê rojan de 12 suwarîyî dîyê ke heta a roje qet hayîya ci pê çinbî. Wexto ke her kes Şingal teriknayêne ê ameyî verê berê Şingalî. Înan bi nîdayanê Elîyî, bi şîarê Mihemedî bi vatişê 'Ey gerîlayêne mezg û zerrîya xo xurt bigêrê' yê Rayberê Şarê Kurdî Abdullah Ocalanî zaliman ra qesas girewt û o erd da wayîranê ci.

Demhato ke ziwanê nê suwarîyan nêzanayêne kewt dima înan û Şingalî ra şino Haleb, Halebî ra zî şino koyanê Kurdîstanî.

Demhat nika 20 serre yo û meydanê şerî de yo. Hîkayeya ci ya ke meydanêkê şerî de dest pêkerd, Heftanîn de dewam kena. Demhat nika hetê gerîlayanê bînan de vera îşxalkeran şer keno. Eşqê ci yê seba Heftanînî sey kurdkîya ci kêm nîyo, sey erebkîya ci weş û zêde yo. No eşq ey dano şerkerdene. Çunke zaneno ke eke nê gerîlayan ra nêbo şarê ci zî şarê bînî zî do çin bibê.

Coka estorê Demhatî ver bi Heftanînî şino.