Dewleta tirke ya îşxalkere vizêr pê SÎHAyan nêzdîyê Kampa Şehîde Nazê ya Koyê Şingalî de  hêrişê wesayîtêkê sivîlan kerd. Têgêrayîşê Azadîya Cinîyan ê Êzidîyan (TAJÊ) pê eşkerayîyêke hêriş protesto kerd. Xeylêk kesî tewrê eşkerayîye bîyî. 

Eşkerayîye de ame vatene ke dewleta tirke ya îşxalkere fermanê 2014î ra nata Şingalî ser o bombayan varnena û heqê Erdoganî çin o ke hêrişê Şingalî bikero. Eşkerayîye wina dewam kena: ''Eke Iraq vano ez serdestê nê erdî ya çira hêrişanê Tirkîya nêvindarnena?

Ewro (vizêr) Tirkîya wesayîtêkê sivîlê bi nameyê Xêro Şivanî da bombayan ver. Oyo ke DAÎŞ nêeşka bikero Erdogan wazeno bikero. Nînan DAÎŞ birêxistin kerd û ard erdê ma. Çira Parlamentoya Iraqî bêveng a? Ma Tirkîya ra nêtersenê, erdê xo ra nêvejîyenê.

Ma her roje binê hêrişan de yê. Ma sey cinîyan cewab danê Erdoganî, ma do erdê xo bipawê, heta çilka peyêne ya gonîya erdê xo de de bimanê. PDK destek dano înan, xayînîye keno, xo roşeno. Ma do paştî bidê domananê xo, çeka xo war nêverdê. Ma do goreyê zerrîya Erdogan û PDKyî tênêgêrê. Xoverdayîş cû ya.''

Eşkerayîye pê slogananê 'Bimiro xîyanet', 'Biciwîyo xoverdayîşê Şingalî' qedîyaye.