9ê teşrîna verên ya 2018î de polîsan eştbi Kongreya Komelê Demokratîkî (KCD) ser û çarçewa zanayîşan û dokumentanê nê sereştişî de 26ê hezîrane de reyna sereştişê keyeyan de 44 kesî ameybî destbendkerdene. Înan ra 16 kesî vizêr sewqê edlîye bîyî.

Nê 16 kesan ra îdarekara Komeleya Cinîyan a Rosa Rojda Bariş, endama KESKî Aytene Tekaş, Endama Odaya Muhendîsanê Makîne ya Amedî Arîne Zumrut, avûkat Berdan Acun, Fatmal Bulbul, Velat Esîn, Omer Baran, Nesrîn Şanli, Huseyîn Kaya, Adem Fîrîk, Mehmet Şengul, Aytaç Doymuş, Pîran Başkurt û Umran Baturay bi îdîaya ''endamîya rêxistine'' sewqê mehekem bîyî.

Nînan ra zî bi Fatma Bulbul, Berdan Acun, Adem Fîrîk, Velat Esîn, Aytaç Duymuş, Omer Baran, Zekîye Yilmaz û Aynure aktar pê şertê kontrolê edlîyî ameyî veradayene Aytene Tekeş, Arîne Zumrut, Rojda Bariş, Nesrîne Şanli, Pîran Başkurt, Huseyîn Kaya, Mehmet Şengul û Umran Barutay zî pê îdîaya ''endamîya rêxistine'' ameyî tepiştene.