Vîyane Tekçeya ke namzeta Hemşaredara Colemêrgî ya DEM Partî ya ANFyî rê qisey kerd û pare kerd ke ê do weçînayîşanê herêmîyan de qeyûman bişawê.

Vîyane Tekçe 1995 de Colemêrg de dadîya xo ra bîya. A mezuna lîseyî ya, zewijnaye û wayîra domanêkî ya.  Tekçe heman wextî de Hemsereka DEM Partî ya Colemêrgî ya. 

Tekçe vat: ''Ma Colemêrg de 3 wekîlî şawitî Meclîsî. Mi muracatê namzetîye ra verî xebatê şaristan û qezayanê partî kerdî.''

Tekçe da zanayene ke aye reyde 3 cinîyî kewtî verweçînayîşan û vat: ''Mi rayê zafêrî girewtî û ameya weçînayene. Têkoşînê ma yê vera polîtîkayanê qeyûman û xespkerdişê îradeyê şarî dewam keno. Nê prosesî de bi taybetî ma sey embazan ê cinîyan paştdayîşê xo yew kerd. Ma do bi nê hawayî şorê weçînayîşanê 31ê adare, vera qeyûmanê dişmenanê cinîyan xo ver bidê û destkewteyê ke înan xesp kerdê, şarî reyde apey bigêrê.''