Komîsyonê Zîndanan û Heqanê Merdiman ê Baroyê Mêrdînî raporê binpaykerdişanê heqan ê menganê çele, sibate û adare Zîndanê Mêrdînî eşkera kerd.

Rapor de nê binpaykerdişê heqanê tepişteyan ca gênê:

-Prosesê pandemî de pêro aktîvîteyî wedarîyayî, sereştişê koxûşan zî zêdîyayî. Goreyê beyanê tepişte M.A.yî  cendirmeyî şîyayîş-ameyîşê nêweşxaneyan de maskeyanê tepişteyan anê war û cigêrayîşê zereyê fekî kenê.
-Malzemeyê hîjyenî nêdîyenê tepişteyan

-Çalakîkeranê grevê vêşanîye rê şeker nêdîyeno

-Kitabê kurdkî, rojnamegerî û mektubî nêdîyenê tepişteyan.

-Tepişteyan da zanayene ke eke tecrîdê vera Rayberê Şarê Kurdî Abdullah Ocalanî nêqedo ê çalakîya xo rê dewam kenê.

-Binê nameyê avûkatan de tepişteyan rê seba pêvînayîşî endamanê îstîxbaratî erşawîyenê.

Rapor de ame pêşnîyazkerdene ke pêro kêmasîyê tepişteyan bêrê peydakerdene, binpaykerdişê heqan wa biqedê, waştişê tepişteyan bêrê caardene, sûcdar û mesuldarê kerdişan ê xiraban bêrê cezakerdene.