Tevgera Azadî bira qefilnayîşê hîrê partîyan a Konseya Muhakemekerdişî ya Berze ya Iraqî ser o vizêr şan Silêmanî de eşkerayîyêke daye çapemenîye.

Hemsereka Tevgera Azadî Tara Huseyîn dîyar kerd ke ê bire medyaya dîjîtale ra musayê û vat: ''Tevgera Azadî ronîyayîşê xo ra nata têkoşînêkê sîyasîyî keno û Dezgehê Xebatanê Sîyasîyan û Komîsyonê Weçînayîşî yê Berzî ra destûrê ci est o. Ma bi na bire şaş mendî. Bire ma rê nêameye vatene.''

Tara bale ante ser ke çimeyê înan ê fînansî destekê şarî û aydatê endaman ê û vat: ''Xezînaya partîya ma werte de ya. Na bira qefilnayîşî dûştê prensîbanê ma ya. Ganî êyê ke îşxalkeran hetî de vindenê bêrê muhakemekerdene. Wa Serekwezîr û Serekkomare îsbat bikerê ke çîyê ma yo îlegal est o yan ney. Ma qetî dûştê erjanê Iraqî nîyê. Partîya ma sivîl û qanûnî ya.

Hêzê sîyasîyî yê Herêma Kurdîstanî û Iraqî ganî bizanê ke no proses seba azadîya sîyasetî bitehluke yo. Ma venga her kesî danê ke vera bira qefilnayîşî tewir bigêro. Bira qefilnayîşî sîyasî ya. Peyê na bira sîyasîye de tesîrê dewletanê bînan û destê xayînan est ê.''