Dima ke PDKyî Zînî Wertê de hêzê xo ca kerdî alozîyêke virazîyaye. Na alozî hema zî dewam kena. Tewr peyên zî Wezîrê Pawitişî yê Tirkîya Hulusî Akarî Herêma Kurdîstanî zîyaret kerd û hêrişê vera Şingalî reyna bîyî rojdem.

Wekîlê HDPyî yê Şirnexî Hasan Guneşî derheqê mesele de ANFyîr ê qisey kerd.

Ozguneşî da zanayene ke Tirkîya pêro tarîxê xo de tim kurdan rê dişmenîye kerda û vat: ''Serranê peyênan de dewleta tirke vera kurdan qirkerdişan kena. Nika zî dewlete PDK seba menfaatanê xo xebitnena. PDKyî zî pêro îradeyê xo înan rê teslîm kerdo.PDK herinda ke seba kurdan bixebito seba menfaatanê xo xebitîyeno. Sîstemê PDKyî sîstemê modernîteya kapîtalîst o. Mîyanê sîyasetê PDKyî de seba şarî cayê rehetîye çin o.''

Ozguneşî ard ziwan ke PDK yewîya kurdan visneno binê tehlukeyî û vat: ''PDK yewîya kurdan xo rê zî sey tehluke vîneno û nêwazeno wa şer aver şoro. Polîtîkayanê PDKyî ra semed bi serran o herême de krîzo ekonomîk esto. Şarê Başûrî zî pê PDK qayîl nîyo. Ganî PDK nê şaşîyanê xo ra abigêro. Nêzdîbîyayîşê PDKyî zerar dano yewîya kurdan. Eke PDK nê tewirê xo de israr bikero pêro destkewteyê Başûrî do destî ra şorê. ''