Teyaranê şerî yê Tirkî bombayî Herêma Amedîye rê varnayî

Teyarayanê şerî yê dewleta Tirkî ya îşxalkare bombayî bajarekê Çemankî yê qeza ya Amedîye yê Başûrê Kurdistanî de varnayî.

Goreyê xeberanê cayîyan, teyarayanê şerî yê Tirkî şewa Çarşemeyî bombayî bajarekê Çemankî de varnayî. Rîyê bombardûmanî ra şewat hêgayanê herême de dest pêkerd.

Dewleta Tirkî bi hewayêkê sîstematîkî Başurê Kurdistanî de cayê ke sivîlî tede ciwîyenê bombardûman kena. 26'ê Êlule de Qendîl de dewa Zêwekî zî ameye bombakerdene. Rîyê hêrişî ra hêgayan de şewat vejîyayo. 25'ê Êlule de dewanê Zêwkî, Alîyereş û Kunemaryan ê Qendîlî ameyî bombardûmankerdene. Peynîya hêrişî de 2 kesî birîndar bibî.