Goreyê xeberanê ke ameyî girewtene vera dewêka Dîgurî ya bejarêkê Sinûnî ya Şengalî hêrişêkê hewayî ame kerdene.

Çimeyanê herêmîyan pare kerd ke hêriş heta teyarayanê şerî yê tirkî ra ame kerdene. Xeberê hîrayî hema nêameyî destvistene.

Dewleta tirke verê cû zî zaf reyî hêrişê Şengalî kerd.

19ê teşrîna verêna 2019î de warê sivîlan ê bajarekê Xanesorê yê Şengalî ser o bombayî varnabî. 19ê teşrîna peyêne de zî bi teyarayanê şerî yê bêmerdiman reyna Xanesorê ser o bombayî varnabî û  şerwanê Yewîna Xoverdayîşê Şengalî (YBŞ) birîndar bibî. Înan ra yew zî dima şehîd bi. Teyarayanê şerî yê tirkî şanê 5ê teşrîna peyêne de zî 3 reyî herêma Barê ya Şengalî ser o bombayî varnabî. Bombardûmanê 4ê teşrîna peyêne de zî Xanesorê de 3 şerwanê YBŞyî birîndar bibî.