Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de eşkerayîyêke daye.

Eşkerayîye wina ya:

''Gerîlayê azadîye yê Kurdîstanî binê şertanê zehmetan de bi fedakarî şer kenê, erdê xo vera îşxalkeran pawenê û derbanê giranan danê îşxalkeran ro. Çalakîyê gerîlayan bêmabên dewam kenê. Netîceya çalakîyanê tîmanê hereketînan ê gerîlayan de 23 îşxalkerî ameyî cezakerdene û 3 îşxalkerî zî birîndar bîyî. Artêşa îşxalkere 17 reyî pê tebaber û çeka kîmyewîye, 15 reyî pê helîkopteranê hêrişî û 12 reyî zî pê teyarayanê şerî Herêmê Pawitişî yê Medya dayî bombayan ver.

Detayê çalakîyanê gerîlayan û hêrişanê îşxalî wina yê:

Çarçewa Hemleya Şorişgêre ya Bazanê Zagrosî de herêma Zapî de;

2ê temmuze de îşxalkerê ke waşt Warê Xoverdayîşî yê Çemçoyî de aver şorê mabênê înan û hêzanê ma de pêkewtişê giranî qewimîyayî. Tîya de 1 îşxalker ame cezakerdene, 1 îşxalker zî birîndar bi.

2ê temmuze de îşxalkerê ke waştêne pê wesayîtanê zirxînan Vakurê Kurdîstanî ra derbazê Warê Xoverdayîşî yê Çemçoyî bibê hetê hêzanê ma ra ameyî pirodayene. Netîceya nê çalakîyan de 2 îşxalkerî ameyî cezakerdene û averşîyayîşê îşxalkeran vindert. Îşxalkeran dima reyna waşt aver şorê la nê hetê hêzanê ma ra pê çekanê giranan gêrîyayî binê guleyan. Tîya de 2 îşxalkerî ameyî cezakerdene û 2 îşxalkerî birîndar bîyî.

2ê temmuze de Warê Xoverdayîşî yê Çemçoyî de îşxalkerî hetê hêzanê ma yê YJA-Starî ra ameyî hedefkerdene û 1 îşxalker ame cezakerdene.

2ê temmuze de Warê Xoverdayîşî yê Çemçoyî de hêzê ma hetê helîkopteranê hêrişî ra di baskan ra gêrîyayî binê bombardumanêkê giranî. Netîceya derbanê bitesîran de helîkopterî neçare mendî ke warî ra dûrî bikewê.

3ê temmuze de Warê Xoverdayîşî yê Kokerî de îşxalkerî hetê tîmanê hereketînan ê YJA-Starî ra ameyî pirodayene û 4 îşxalkerî ameyî cezakerdene.

Çarçewa Hemleya Şorişgêre ya Bazanê Zagrosî de herêma Xakurkê de;

2ê temmuze de komêka îşxalkeranê ke ameyê Girê Şehîd Derwêşî hetê hêzanê ma ra gêrîyayî binê teqîbî. Dima nê îşxalkerî ameyî pirodayene û 7 îşxalkerî ameyî cezakerdene.

Çarçewa Hemleya Şorişgêre ya Şehîd Savaş Maraşî ya Cengê Xabûrî de;

29ê hezîrane de Warê Xoverdayîşî yê Girê Hekarî de îşxalkerî pê taktîkê suîkastî ameyî pirodayene û 1 îşxalker ame cezakerdene.

2-3ê temmuze de Warê Xoverdayîşî yê Girê Cûdîyî de îşxalkerî hetê hêzanê ma yê tîmanê hereketînan ra 3 reyî  ameyî hedefkerdene û 3 îşxalkerî ameyî cezakerdene.

2ê temmuze de Warê Xoverdayîşî yê Girê Cûdîyî de îşxalkerê ke waştêne tunelanê şerî bidê bombayan ver hetê hêzanê ma ra ameyî pirodayene. Netîceyanê derbanê bitesîran de îşxalkerî neçare mendî ke gamêke xo apey biancê.

3ê temmuze de Warê Xoverdayîşî yê Girê Cûdîyî de îşxalkerê ke waştêne ver bi tunelanê şerî şorê pê taktîkê sabotajî ameyî hedefkerdene û 2 îşxalkerî ameyî cezakerdene.

Hêrişê hewayî

Artêşa tirke ya îşxalkere 2ê temmuze de tunelê şerî yê Waranê Xoverdayîşî yê Werxxelê, Şikefta Birîndaran, Girê Hekarî û Girê Cûdîyîe pê teqaberan û çeka kîmyewîye 17 reyî dayî bombayan ver.

Artêşa tirke ya îşxalkere pê obus, hawan, teyarayanê şerî û helîkopteranê hêrişî 2ê temmuze de Warê Xoverdayîşî yê Girê Amedîyê, Kurojahro, Girê FMyî, Saca, Werxelê, Kunîşka, Kokerê, Çemço, Girê Hakkarî, Girê FM û Girê Cûdîyî dayî bombayan ver.