Merkezê îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Gerîlayê Azadîye yê Kurdîstanî bi taktîkanê zengînan derbeyanê giranan danê artêşa tirke ya îşxlakere ro. Çalakîyanê bitesîran ê tîmanê ma yê ke erazî ra gêrene de hîrê leşkerê tirkan ê îşxalkerî û hîrê kontrayî ameyî cezakerdene û hîrê îşxalkerî birîndar bîyî. Reyna yew çeka AK-47yî ameye destsernayene û cîhazê jammerî ame îmhakerdene. Artêşa tirke ya îşxalkere bi desan rey bi çekanê kîmyewîyan, teyarayanê şerî, helîkopteranê hêrişî, teqaber û obusan warê xoverdayîşî dayî bombayan ver. Detayê çalakîyan wina yê;

Avaşîn

29ê hezîrane de Warê Xoverdayîşî yê Werxelê de îşxalkerî pê çekanê giranan ameyî pirodayene. 30ê hazîrane de kontrayanê ke dormeyê dewa Nêrwe yê Ertûşî de leşkeranê tirkan rê zexîre kitiştêne hetê hêzanê ma ra ameyî pirodayene û hîrê kontrayî ameyî cezakerdene. Hêzê ma şîyî meyîtê kontrayan ser û dest na yew çeka AK-47yî ser. 1ê temmuze de warê Kokerê de îşxalkerî ameyî pirodayene , di îşxalkerî ameyî cezakerdene û hîrê îşxalkerî birîndar bîyî.

Zap

1ê temmuze de artêşa tirke ya îşxalkere waşt sînorê Vakurê Kurdîstanî ra pa di tank û di panzeran bikewo Warê Xoverdayîşî yê Çemçoyî. Nê îşxalkerî hetê hêzanê ma ra pê çekanê giranan û taktîkê sûîkastî ameyî pirodayene û verê înan ame girewtene.

Metîna

1ê temmuze de Warê Xoverdayîşî yê Girê Cûdîyî de îşxalkero ke cîhazê  jammerî kiriştêne ame cezakerdene û cîhazê jammerî ame îmhakerdene.  Îşxalkeranê ke waşt mudaxaleyê warê çalakîye bikerî ê zî ameyî pirodayene. Meyîtê îşxalkerî binê kontrolê hêzanê ma de yo. Eynî roje saetanê veraşanî de îşxalkerê ke hetê hêzanê ma ra ameyî pirodayene mecbûr mendê ke gamêke peyser binacîyê.

Bombarduman

Artêşa tirke ya îşxalker 1ê hezîrane de tunelê şerî yê Warê Xoverdayîşî yê Şikefta Birîndara, Girê FM, Girê Cûdîyî pê teqaber û çekanê kîmyewîyan dayî bombayan ver. Eynî roye warê Kokerê, Çemço, Girê Hakarî, Girê Amediye, Kurojahro, Girê Karker, Şikefta Birîndara, Saca û dewê Şîyê ke pabesteyê Zextê û Dînartê yê Garê yê û dewa Dopala ya Qendîlî pê teyaranê şerî, helîkopteranê hêrişî û obusan dîyayî bombayan ver.''