Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Avaşîn

''30ê hezîrane de warê Kokerê de îşxalkerî hetê  hêzanê ma ra hîrê hetan ra ameyî pirodayene. Çalakîye de tewr tay 4 îşxalkerî ameyî cezakerdene û 2 îşxalkerî birîndar bîyî. 1ê temmuze de hêzanê ma yê YJA Starî eynî warî de bi taktîkê sûîkastî da piro, îşxalkerêk ame cezakerdene.

Zap

29ê hezîrane de Warê Xoverdayîşî yê Kurojahroyî de helîkopterê hêrişî hetê hêzanê ma ra ameyî hedefgirewtene. Yew helîkopter ame derbkerdene û helîkopterî mecbûr mendê ke herême ra peyser agêrê. 30 hezirane de eynî warî de çalakîya sûîkastî ameye kerdene û 2 îşxalkerî ameyî cezakerdene.

Metîna

30 hezîrane û 1ê temmuze de Warê Xoverdayîşî yê Girê Cûdîyî de îşxalkerî ameyî pirodayene. Çalakîyan de pêro pîya 4 îşxalkerî ameyî cezakerdene.

Bombarduman

Artêşa tirke ya îşxalkere 30ê hezîrane de tunelê şerî yê Warê Xoverdayîşî yê Karker û Girê Şehîd Rêberî hîrê rey pê çekanê kîmyewîyan û teqaberan dayî bombayan ver. Eynî roje warê Girê Amediye, Saca, Sîda, Rênçbiraxa, Neqeba Sinînê, Girê Hakarî, Girê FM, Kurojahro, Girê Cûdî, Girê Bihar, Werxelê, Çemço û Sîda pê obus, helîkopter û teyaranê şerî dîyayî bombayan ver. Şewato ke badê hêrişî warê Saca de vejîya dewam keno.''