Çalakîya grevê vêşanîye ya ke semedê wedartişê tecrîdê serê Rayberê Şarê Kurdî Abdulah Ocalanî Kampa Şehîd Rustemî  ya Mexmûrî  de yena viraştene, roja 70‘ine de bi grûba 25’ine dewam kena.

Endama Meclîsê Îştarî yê Mexmûrî Fadîle Tok a ke 20’ê Çele de dest bi grevê kerd, roja 40’ine de çalakîya xo domnena. Toke Leyla Guvene, Nasir Yagiz û heme xoverdayoxê grevê vêşanîye silam kerdî û bale ante weşîya înan ser. Toke ard ziwan ke her roje rewşa weşîya înan xirabêr bena la rixmê naye ê xover danê. Toke xoverdayîşê Zîndanê Amedî ard vîrî û va: ‘‘Ma bi ruhê xoverdayîşê 14‘ê Temmuze bi xoverdayîşê Xeyrî, Kemal û Mazlûman dest bi çalakî kerde. Ma hêzê xo xoverdayoxanê zîndanan, Leyla Guvene û Nasir Yagizî ra gênê.  Coka moralê ma tim ca de yo. Ma sey roja verêne ya çalakî xo biqerar û bihêz ê. Problemê weşîye do vernîya mucadeleyê ma mêgîrê. Bi paştdayîşê grêvanê vêşanîye û xurtkerdişê mucadeleyî, ma do ser bikewê.‘‘