Torra Heqanê Merdiman a Kurdîstanî bîlançoya 22ê temmuze-22yê tebaxe eşkera kerde ke derheqê binpaykerdişê heqanê merdiman ê Rojhelatê Mîyanênî de ya.

Goreyê doneyanê Torra Heqanê Merdiman mîyanê mengêke de şaristanê Sine û Ûrmîye de 52 kesî sebebanê sîyasîyan ra ameyî tepiştene, 7 kesî ameyî dardekerdene û 6 kolberî zî ameyî qetilkerdene.

Goreyê raporî hêzanê Îranî Mehabad de, tazîyeya Hemserekê verênî yê KODARî Rêzan Cawid asteng kerde, seba îfade veng da dadî û birayê ci û înan rê teda kerd ke wa vajê mesuldarê şehadetê Rêzan Cawidî PJAK o.

Goreyê raporî 7 tepişteyê kurdî bi îdîaya 'qestî ra kiştişî û madeyanê tîryakî' ameyê dardekerdene û 32 kolberî zî hêrişanê Îranî de, teqayîşê mayînan de birîndar bîyê. Torre pê hesna ke şaristanê Kirmaşanî de cinîyêke hetê camêrdêko tede zewijnaye bi ra kişîyaya. Torre dîyar kerd ke na menge 5 hemwelatîyî û endamê Tîma Wedarnayîşê Mayînan teqayîşê mayînan ra birîndar bîyê.