Qezaya Bazîdî ya Agirî de bi hezaran kesan bi beşdarîya Hemsereka DEM Partî Tulaye Hatîmogullari adirê Newroze vist ta. Warê şayîye de posterê Qazî Mihemed û Şêx Seîdî ameyî akerdene û pankarta 'Ma seba adirê Newroze bi adirê ciwanan ameyî' ameye akerdene.

Hemsereke Tulaye Hatîmogullari tîya de xîtabê şarî kerd. Hemsereke vist vîrî ke Newroza 2013î de Rayberê Şarê Kurdî Abdullah Ocalanî mesajê girîngî şawitbî û mesajê ey mesajê DEM Partî yê. Tulaye Hatîmogullari vat: ''Ma haştîye wazenê la îqtîdar şerî wazeno. Meseleya kurdan ganî hinî bi haştîye bêra çareserkerdene. Ganî sey 2013î dîyalogî dest pêbikerê. Ma seba komarêka demokratîke têkoşîn kenê. Ma bi nê armancî û bi ruhê 8 û 21ê adare do şorê weçînayîşanê 31ê adare. Ma do şaredarîyanê xo ancî bivisnê destî.

Her ke tecrîdê Îmraliyî ma rê bêro ferzkerdene ma do hîna zaf wedaritişê tecrîdî biwazê. Heta tecrîd nêqedo haştîye zî do nêra. Wa tecrîdê Îmraliyî biqeda û azadîya Birêz Ocalanî bêra caardene.''

Qiseykerdişî ra dima bi coşêkê pîlî adirê Newroze ame tavistene. Şarî dormeyê adirî de govende girewte.