Tûtêko êzidî DAÎŞî ra ame xelisnayene teslîmê keyeyê xo ame kerdene
Tûto êzidî yê bi nameyê Erdewan (16)o ke şanê çarşemeyî hetê Hêzanê Sûrîyeya Demokratîke (QSD) ra destê cerganê DAÎŞî ra ame xelisnayene Şingal de teslîmê keyeyê ci ame kerdene.
Tûto êzidî yo 16 serre Erdewan Kampa Holî de hetê cerganê DAÎŞî ra amebi esîrkerdene. QSDyî 26ê gulane de pê operasyonêkî tût DAÎŞî ra xelisna.
Erdewan pê hetkarîya Keyeyanê Êzidîyan û Torra Paştdayîşê Cinîyan a bi Êzidîyan Şingal de teslîmê keyeyê ci ame kerdene.
Endama Torra Paştdayîşê Cinîyan Rîhame Hesen vat: ''Hukmatê Iraqî hema zî ma peygoş keno. Labelê QSD hetkarîya ma keno, merdimanê ma destê DAÎŞî ra xelisneno. Ma QSDyî rê sipas kenê. Torra ma, Keyeyê Êzidîyan û QSD bi hawayêkê koordîneyî esîran teslîmê keyeyanê înan kenê.''
