Dewleta tirke ya îşxalkere pê droneyanê çekdaran  yew qirtasîye û Meclîsê Şarî yê Sinûnî yê Şingalî dayî bombayan ver. 

Goreyê agahîyanê verênan hêrişî saete 11.30 de ameyî kerdene. Hêrişan de yew qirtasîye, Meclîsê Şarî yê Sinûnî û  kişta ci warê bazarî ameyî hedefkerdene. 

Rîyê asntengkerdişê artêşa Iraqî ra hûmara merde û birîndaran hema tem  nîna zanayene. Goreyê zanayîşanê ke ameyî girewtene hêrişê vera qirtasîye de pîrik û tornê ci şehîd bîyî. Esnafo ke şehîd bi nameyê ci Xidir Şivan Naso û nameyê tornê ci Salih Xidir Naso yo.

Hêrişanê vera Meclîsê Şarî yê Sinûnî û  kişta ci warê bazarî de zî şeş kesî birîndar bîyî. Muxabîrê Çira TVyî Salih Berces zî birndar bi. Berces Mûsûl de wedarîya nêweşxaneyêk.