Endamê Komîteya Rayberdişî ya PKKyî Murat Karayilanî bi wesîleya serrgêra 40ine ya Hemleya 15ê Tebaxe Stêrk TVyî rê qisey kerd.

Qiseykerdişê Karayilanî ra tay noqtayê girîngî wina yê:

''Tecrîdê vera Rayber Apoyî 26 serrî yo dewam keno la 41 mengan ra nata Rayber Apoyî ra qetî xeberêke zî nêna girewtene. Wina aseno ke têkoşînê ma yê vera tecrîdî qîm nêkeno. Xora kedê pîlî dîyayî. Mîsal 69 wayîranê Nobele seba azadîya Rayberîye mektubêke nuşte. Yanî vera tecrîdî xiretêko mîyanneteweyî est o.La ganî ma têkoşîn pîlêr bikerê. No erkê ma yo. Coka ez veng dana ke ma Hemleya 'Rayber Apoyî rê Azadîye, Meseleya Kurdan rê Çareserîye' xurtêr bikerê.

Ez Hemleya 15ê Tebaxe fîraz  kena. Ez şexsê Fermandar Egîdî de pêro şehîdanê ma bi rêz û minetî yad kena. Hemleya 15ê Tebaxe vera sîyasetê îmha û înkarî hemleya azadîye û estbîyayîşî bîye. Rayber Apoyî 70an de PKK na ro û dewlete 12ê Elula 1980î de darbe kerde. LA zîndanan de xoverdayîş qewimîya. Dima Hemleya 15ê Tebaxe  ameye kerdene. Bi na hemle seke kurdî gandar bîyî. Hemleya 15ê Tebaxe ser kewte. 9 serran ra dima Rayber Apoyî adirbirnayîş îlan kerd. Ma ewro hema zî bi ruhê Hemleya 15ê Tebaxe têkoşîn kenê.

Hemleya pêro parçeyanê Kurdîstanî de bitesî bîye. O çax şerê Vakurê Kurdîstanî seba pêro parçeyan bi hêvî. Heta na hemle tesîrê Raperîna 5ê Adara 1991î kerd. Yanî Hemleya 15ê Tebaxe wayîra karakterêkê neteweyî bîye.

Hemle 40 serrî xo pey de verdayî. Yanî gerîlayê ma wayîrê tecrubeyanê 40 serran ê. Bi hemle felsefeyêke vejîyaye werte. Hendê serran de  gerîlayan taktîkê xo vurnayî, taktîkê afernayoxî kerdî. Xora kêmasîyê ma est ê la têkoşîno 40 serrî çîyêko asan nîyo.Ewro gerîlayî şerê tunel, erazî û hewayî kenê. Dişmen bi zûran vano ke PKK ha bin keweno. La çîyo winayên çin o. 

Îqtîdarê AKP-MHPyî hêrişê ziwanê ma, govenda ma, veyveyê ma û kulturê ma keno. Dewlete kurdkî ra acîz bena çunke polîtîkayê ci polîtîkayê îmha û înkarî yê. Ganî vera nê hêrişan komelê ma wayîrê erjanê xo vejîyo. Ez bi xo hol tirkî qisey kena la tîya de tim kurdkî qisey kena. Çunke ganî ma wayîrê ziwanê xo vejîyê. Ciwanî seba ke vanê 'Bijî Serok Apo' tepişîyenê. Ganî ma zî her ca de vajê Bijî Serok Apo.

2017 de wextê Referandumê Başûrê Kurdîstanî de dewleta tirke û Erdoganî nêngî çînayêne, gefî wendêne. La dima PDKyî xo teslîmê Erdoganî kerd. Di stratejîyî est ê: îmhakerdişê kurdan yan zî azadîye. PDKyî îmhakerdişê kurdan de cagirewt. Dewleta tirke wazena Başûrî îşxal bikera. Ma heta nika erdê Başûrî pawit û do bipawê. Ganî şarê ma yê Başûrî zî vera dişmenî tewirê xo bimojno, wayîrê xoverdayîşê ma vejîyo. Ma şarê xo rê destek wazenê. Ma seba pereyî ney seba şarê xo şer  kenê. Bêrê ma pîya welatê xo bipawê.

Dewleta tirke wazena ke Rojawanê Kurdîstanî bi temamî werte ra wedarna, Îdareyê Xoserî tasfîye bikera. ENKS heyf ke Rojawan de beno hemkarê plananê dewleta tirkeç

Bi wesîleya serrgêra Hemleya 15ê Tebaxe ez venga pêro partî, dezgeh, hunermend, roşnvîr, cinî, ciwanan û şarê ma danê ke yewîya neteweyîye awan bikerê, îtîfaq bikerê û pîya vera dişmenî şer bikerê. ''