Bi wesîleya rojbîyayîşê 72. yê Rayberê Şarê Kurdî Abdullah Ocalan şaristananê Vakurê Kurdîstanî de leyi ameyî ronayene.

Qezaya Artukluyî ya Mêrdînî de heyetê Têgêrayîşê Cinîyan ê Azadan (TJA), HDP, DBP û Meclîsê Mayanê Haştîye çarçewa şayîya rojbîyayîşê 72. yê Rayberê Şarê Kurdî Abdullah Ocalanî de 72 leyi ronayî. Dima forumêk ame kerdene û tecrîdê Îmraliyî, çalakîya grevê vêşanîye ameyî ercnayene. Forum de ame waştene ke wa tecrîd cade bêro qedînayene. Merasîm pê sloganan qedîya.

Taxa Komare ya Şirnexî de zî pê beşdarîya Wekîlanê HDPyî Nurane Îmîr, Hasan Ozguneş, aktîvîstanê TJA, Meclîsê Mayanê Haştîye û rêxistinanê dezgeh û partîyan 72 leyi ronîyayî. Ozguneşî aktîvîte de qisey kerd û ard ziwan ke 4ê Nîsane roja gandarbîyayîşê kurdan a û wa na roje biba wesîleya azadî, haştî û demokrasî.