Amedsporî kongreya xo ya 4. Amed de Tesîsanê Şeyhmus Ozerî de kerde. Dîwan de Serejê Baroyê Amedî Cîhan Aydinî serekîya dîwanî kerd û îfade kerd ke felsefeya haştîyane ya Amedsporî pêro stadyuman de do vila biba.

Dima zî qiseykerdişî ameyî kerdene û raporê faalîyetî ameyî wendene. Sereko verên ê Amedsporî Metîn Kilavuz zî pê zoomî tewrê kongre bi. Kilavuzî ard ziwan ke înan Amedsporî ser o zaf vindert û bi hawayêkê bidîqetî îdare kerd.

Dima zî weçînayîş ame kerdene û merdimê karî Vechettîn Alsaç sey serekê Amedsporî ame weçînayene.

Alsaçî qiseykerdişê xo de ard ziwan ke ê do bêtawîz heta peyêne têkoşînê xo dewam bikerê.