Koyanê Kurdîstanî de vera hêrişanê îşxalî yê dewleta tirke xoverdayîşê gerîlayan her roje beno pîlêr. Nînan ra gerîla Demhat Kobanêyo ke Hemleya Cengê Xabûrî de ca girewtêne pê xoverdayîşî şehîd bi. Gerîlayê HPGyî Demhat Kobanêyo ke 15ê hezîrana 2021î de Metîna de şehîd bibi, şehadetê xo ra verî hîsê xo ma reyde pare kerdbi û vatbi: ''Ma pê îradeyê xo şer kenê, hêzê xo xoverdayîşê Zendûra ra gênê. Coka xoverdayîş cû ya.''

Gerîla Demhat Kobanêyî wina vatbi: ''Cengê Xabûrî de xoverdayîşo pîl yeno kerdene. Xîretê dewlete îşxalê Başûrî yo. Heta ke ma koyanê azadan de bê nêverdenê dişmen erdê Kurdîstanî îşxal bikero. Dişmen pêro îmkananê xo xebitneno la  pê xoverdayîşê gerîlayan nêeşkeno. Ez venga ciwananê Başûrî dana ke wa vajê 'Dişmen wazeno erdê ma îşxal bikero û PKKyî asteng bikero.' Wa ciwanî bizanê ke dewleta tirke wazena Başûr îşxal bikera. Wa ciwanî paştî bidê xoverdayîşê ma û tewrê ma bibê. Nika hêrişê giranî estê la ma pê çekanê xo şer kenê. Wa dewleta tirke bizana ke teknîkê ci îradeyê ma ra pîlêr nîyo. Ma hêzê xo xoverdayîşê Zendûra ra gênê. Coka xoverdayîş cû ya.''

Gerîla Demhat Kobanêyî qetî çeka xo war nêverdaye û rehet nêda îşxalkeran. Ey heta nefesê xo yê peyênî vera dimenî şer kerd.