Gerîlayanê YJA-Starî tunelanê şerî ra 8ê Adare yê pêro cinîyan û Rayberê Şarê Kurdî Abdullah Ocalanî fîraz kerd.

Gerîlayanê YJA-Starî wina vat: 

''Roja Cinîyan ê Kedkaran bi îdeolojîya 'Jin, Jiyan, Azadî' ya Rayber Apoyî modelêkê cuye awan kerd. Nê modelî pêro cinîyê dinya dormeyê xo de ardî pêser. Vera cinîyan polîtîkayê şerê taybetî benê xorinêr. Hêzê serdestîya camêrdan kenê ke cinîyan her warî ra vejê. Bi taybetî dewleta tirke ya faşîste vera Rayber Apoyî û PKKyî her metodê hêrişî şuxilnena. Dewleta tirke çar serrî yo vera gerîlayanê koyan çekanê kîmyewî, nukler û metodanê gemarinan şuxilnena. La rixmê ney zî gerîlayan bi îradeyê xo nê hêrişî şiknayî.

Her çalakîya YJA-Starî de yeno mojnayene ke îrade û xîretê merdiman eşkenê hêrişanê teknîkan bişiknê. Gerîlayê YJA-Starî yê ke bi îdeolojîya 'Êyê ke şer kenê benê azad, êyê ke azad benê rind benê, êyê ke rind benê yenê heskerdene' ya Rayber Apoyî xo rê danê nê mesajî danê pêro dinya; Verê cinîya azade de qet yew hêz nêeşkeno ke ser bikewo. Cinîyî seba ke azadîye pîlêr  bikerê û bikirişê her warî ganî verê xo bidê refanê azadîye.''