Vizêr hêzanê PDKyî warê Sîdekanî de hêrişê gerîlayan kerdbi. Kampa Multecîyan a Şehîd Rûstem Cûdîyî ya Mexmûrî de hêrişê PDKyî yê vera gerîlayan ame protestokerdene.

Nameyê girseyê protestoyî ser o Kadrî Şirîşêyîyî qisey kerd û da zanayene ke hîrê serrî yo vera gerîlayanê azadîye yê Kurdîstanî hêrişê giranî yenê kerdene. Şirîşêyîyî vat: ''Vera gerîlayan şerêko bêexlaq yeno kerdene. Dima ke Wezîrê Karanê Teberî Hakan Fîdanî Hewlêr û Bexdad zîyaret kerdî hêrişî kirişîyayî astêka giranêre. 

Ganî pêro dinya û kurdî vera nê hêrişan hişyar û hîsger bibê. Wa partîya kurdan û dezgehê kurdan nêbê hemkarê nê hêrişan û îxanet nêkerê.''