Derheqê keyeyanê Roboskîyîjanê ke 34 merdimê înan hetê teyarayanê şerî yê artêşa Tirkî ra ameyî şehîdkerdene bi îdîaya "endamîya rêxistine" dewa ameye akerdene.Semedê pankartanê serrgêra 4'ine ya qirqerdişî ra dewa ameye akerdene û roniştişo verên ê dewa do dimayê 2 rojan ê serrgêra 8'ine ya qirkerdişî do bêro dîyene.

28'ê Kanûna 2011 de dewa Roboskî ya Qilebanî ya Şirnexî de teyaranê şerî yê artêşa Tirkî 34 kesê Kurdî şehîd kerdîbî. Serdozgerîya Komare ya Şirnexî bi meneya pankartanê ke serrgêra 4'ine ya qirkerdişî de ameyî akerdene ra tahqîqat dabi destpêkerdene. Çarçeweya tahqîqatî de îfadeyê Ayaz Encu, Aysel Encu, Berivan Encu, Cahide Encu, Cihan Encu, Fadile Tosun, Hanim Encu, Heybet Encu, Muhsin Aykut, Selcan Encu, Semire Encu, Sevcan Encu, Sozdar Encu û Tufan Saydam û Meral Geylane û Yannis Vasilis Yaylali ameyî girewtene. Dozgerîye dimayê îfadeyan bi îddîaya "endamîya rêxistine" îddîaname amade kerd û Mehkemeya Cezaya Girane ya Şirnexî îdîaname qebul kerd. Roniştişo verên ê dewa do dimayê 2 rojan ê serrgêra 8'ine ya qirkerdişî bêro dîyene.