Hêzanê Kede û Demokrasîyî yê Dêrsimî seba wendekara Zanîngehê Munzurî Gulîstane Doku û serberbûtê îstîsmarê cinsî yê Pêrtagî mîtîngêk organîzê kerd. Dima ra cade Walîtîya Dêrsimî seba 15 rojan çalakî û aktîvîteyî qedexe kerdî.

Rîyê nê qedexeyî ra mîtîngo ke do siba bi şîarê ''Ma do rayîr nêdê pûçîye. Ma wayîrê domananê xo, şaristanê xo û ameyoxê xo vejîyenê'' biamêyene viraştene ame îptalkerdene. Siba eynî saet de do eşkerayîya çapemenîye bêro viraştene. Goreyê naye siba do Meydanê Seyîd Rizayî de saete 10:00 de eşkerayîya çapemenî bêro viraştene û bale bêro antenê serê vînbîyayîşê Gulîstane Doku û îstîsmarê cînsî yê vera domanan ê Pêrtagî ser.