Walîyê Wanî paştî daye terorê leşkeran ê Xaşkanî
Walîtîya Wanî paştî daye leşkeranê tirkan ke hêrişê şarê Xaşkanî kerd û mîyanê şarî de guleyî teqnayî.
Deweka Sersûlî ya dewa Xaşkanî ya qezaya Elbakî ya Wanî de leşkeran seba ke hemwelatî M.E.A. destbend bikerê guleyî eştî hewayî. Leşkeranê tirkan cinîyê ke vera ney reaksîyon mojna derb kerdî.
Medyaya dîjîtale ser ke dîmenê nê terorî weşanîyayî û xeylêk kesan vera ney nêrazîbîyayîşê xo mojna. Walîtîya Wanî nêrazîbîyayîşan ser o eşkerayîye daye û îdîa kerd ke cendirmeyî seba ke qelebalix vila bikerê guleyî eştê.
Başkale ilçesi Xaşkan Mahallesi’ne bağlı Sersul mezrasında K.A adlı yurttaşı gözaltına almak için gelen askerler havaya dakikalarca ateş açtı, duruma itiraz eden kadınları da darp etmiş. Görüntülerde bu kadar silah sıkmayı gerektiren tek bir emare var mı?! pic.twitter.com/n2sdaLStUn
— Hüseyin Kaçmaz (@avhuseyinkacmaz) June 20, 2022
Hemvervatoxê Komîsyonê Domanan ê HDPyî û Wekîlê HDPyî yê Şirnexî Huseyîn Kaçmazo ke dîmenî twitter de weşanayê, vat: ''Leşkerî seba ke K.A. destbend bijerê bi deqayan guleyî erzenê hewayî. Wexto ke cinîyî na rewşe rê îtîraz kenê hêrişê cinîyan kenê. Hele biewnê dimenan ra, rewşa winasêne est a ke guleyan bierzê hewayî?''
