Wan de girewteyî nênê tedawîkerdene

Bî eşkera ke Hepisxaneyê Wanî yê Ewlehîyî yê Berzî de girewteyê nêweşî nênê tedawîkerdene û îdareyê hepisxaneyî bi hawayê keyfîyi girewteyan rê tedayan keno û nêbeno nêweşxane.

Hepisxaneyê Wanî yê Ewlehîyî yê Berzî de, her roja neweye de, heqê girewteyan hîna zêde yenê îxlalkerdene. Hepisxane de xeylî girewteyê nêweşî estê û nê nêweşî nênê tedawîkerdene. Nêweşî her çiqas ke muracat bikerê zî, îdare bi hawayê keyfî têgêreno û destur nêdano ci ke girewteyê nêweşî tedawî bibê.

Yew keyeyo ke domanê ci hepisxane de yê beyanat da bi ANF’yî û rewşe ser wina va: “Hepisnaxe de xeylî girewteyê nêweşî estî û nênê tedawîkerdene. Naye ra ver apandîstê yew  girewteyî teqabi û îdareyî destur nêda ci ke wa ameliyat bibo. Nê nêweşî bi rojan dej ant o. Ma tîya ra venga sazîyanê heqanê merdîman û ÎHD’yî danê ke wa problemanê girewteyan çareser bikerê.”