Qezaya Ercîşî ya Wanî de varayîşê zêdêrî ra laser werişt. Çewlîg de zî va û firtina de darî qelişîyayî ra.

Wan de di rojan bêmabên varan vara û netîceya varayîşî de tay cayan de laser werişt. Laser de zerar resa erazîyê zîretî û 74 heywanî zî telef bîyî.

Taxa Kirkpinarî ya Ercîşî ra 25 km dûrî de zî varayîşê zêdêrî ra xeylêk heywanan zerar dî. Taxe de cinîyêka ke şîbî şîbî verê heywananê xo laser de mende û pê hetkarîya dormeyî xelisîyaye.

Hetê bînî ra Çewlîg de zî vayo xedar qewimîya û va de serê dibistanêke pera. Verê Nêweşxaneyê Dewlete û dewa Ekînyoluyî de zî darî qilîyayî ra.