Menga êlule ra û heta nika Îran de rîyê grîbê mîlçikan û xozan ra nêzdîyê se hezar kesî gerîyayî binê tedawî û 110 kesî zî merdî. Seba ke nêweşîya grîbê mîlçikan bena zêde, sere de Wan de zaf şaristanan de zî qesawetêk pîl esto.

Turîstê îranijî yê ke seba gêrayîş û bazarîye yenê welat rojanê peyênan de seba weşkerdişî yenê şaristan. Menganê kanûne û çeleyî de kesê ke Îranî ra bi koman yenê seba weşkerdişê grîbê mîlçikan şinê nêweşxaneyan.

Hemserekê Şubeyê Wanî yê SESî Sezer Orençî derheqê babete de vat: "Heyfo ke grîbe xozan û mîlçikan Îran ser o yeno Wanî. Goreyê Wezaretê Weşîye yê Îranî grîbî ra zaf kesî merdî û weşkerdişê bi seyan kesan zî dewam keno. Ganî beranê sînorî de kontrolê weşîye bêro zêdekerdene û sîstematîk bêro kerdene. 

Orençî da zanayene ke çend rojî verê cû Nêweşxaneyê Tibî de kesêk nêweşîyêka gumandare ra merd û vat: "Heyfo ke zaf kesî nêweşîyanê şikdaran ra Nêweşxaneyê Herême û Nêweşxaneyê Cigêrayîşî de yenê weşkerdene."