Gerîlayanê HPG û YJA-Starî yê ke Waranê Xoverdayîşî yê Girê Bihar û Sergelê de şer kenê nînan ajansê ma rê qisey kerd.

Gerîlaya YJA-Starî Têkoşîne vat: ''Operasyonê vera Başûrê Kurdîstanî îşxalê pêro Rojhelatê Mîyanênî kenê hedef. Destpêkê operasyonê îşxalî ra nata xeylêk dewî ameyî vêşnayene û xerakerdene. Ma sey gerîlayan vera îşxalî danê dişmenî ro. Ma do erdê Kurdîstanî dewleta tirke ya îşxalkere rê bikerê goristanî. Ma bi bawer ê ke ser bikewê. Ma venga pêro şarê xo zîdanê ke wa tewrê xoverdayîşê gerîlayan bibo. Eke ma xoverdayîş de yew bibê do ferasetê îşxalî çin bikerê.''

Gerîla Berçeme vat: ''Dewleta tirke bi nê hêrişan armanc kena ke şarê Başûrî bida koçkerdene û erdê Başûrî talan bikera. Dewleta îşxalkere Sergelê de dewan dana bombayan ver û vêşnena. Ganî şarê Başûrî destûr nêdo îşxalkeran. Tîya erdê ma yo. Ma do nêverdê ke îşxalkerî bi rehetî erdê ma ra  bigêrê. PDK erdê Başûrî pêşkêşê Başûrê Kurdîstanî keno. Wa şarê ma bizano ke gerîlayî tim hetê ci de yê û ma do pîya ser bikewê.''

Gerîlayê HPGyî Erdalî vat: ''Operasyono ke 3yê temmuze de bi destekê PDKyî dewleta tirke dabi destpêkerdene, tede embazanê ma derbê giranî dayî artêşa tirke ro. PDKyo ke erdê Kurdîstanî dişmenî rê pêşkêş keno ganî xo rê vajo bes o. Ganî şarê kurdî vera îxanetê PDKyî xo ver bido. Ma sey gerîlayanê azadîye erdê xo de îşxalkeran nêverdê. Ma do heta Kurdîstanê Azadî awan bikerê xoverdayîşî ra tawiz nêdê.''