Gerîlayê HPGyî Rakîp Tatwanî qala gerîlaya YJA-Starî amargî Dorşîn Xerzan kerde ke 28ê êlula 2020î de Gabar de şehîde bîye.

Gerîla Tatwanî ard ziwan ke ey serra 2015î de Xerzan de Amargî şinasnaye û vat: ''A 2014 de tewra gerîlayan bîye û 2015 de ameye Xerzan. Dima embaze Amargî 2016 de derbazê Herêmanê Pawitişî yê Medya bîye. Serra 2019 de a reyna agêraye Vakurê Kurdîstanî û verê xo da Gabar. Xora aye tim waştêne şora Gabarî. Amargî şaristanê Aydinî yê Tirkîya de pîl bibî la seke a qet Kurdîstanî ra dûrî nêmenda. Aye qet Kurdîstan xo vîra nêkerdbi. A hema ke ciwan bîye tewra gerîlayan bîye. La kamî a diyêne vatêne qey a gerîlayêka bitecrube ya. Embaze Amargî qet zor û zehmetîyan ra nêremaye û tim heqê her çîyî ra ameye. Aye tim çareserîyêke afernaye. Tewirê aye seba ma pêroyînan mîsalêk bî. Amargî tim xo perwerde kerdêne, pêro mesuldarîyê xo ardî ca. Embaze Amargî Xerzanî ra zaf hes kerdêne. Embaza bi nameyê Dorşîne Xerzan de şehîd bibî. Embaze Amargî nameyê aye girewte. Embaze Amargî zî sey embaze Dorşîne kesêka çêre bîye. Wirdî zî çalakîyan de tim vernî ra şîyêne. Embaze Amargî rê serkewtiş zaf girîng bi. Aye tim vatêne 'Ez senî eşkera oyo tewr baş bikera?' Aye tim waştêne bêra Botan û Botan de gerîlatîye bikera. Dima ke a ameye Botan 28ê êlula 2020î de şehîd bîye.

Warê Dêrweşî yê Gabarî de 26ê êlule de operasyonêk dest pêkerdbi. Nê operasyonî de embazêk birîndar bi. Embazan xîret kerdêne ke birîndar bixelisnê. Embaze Amargî bale ante xo ser û embazan wina birîndare xelisnaye. Embaze Amargî wina pê fedakarî û embazîye şehîd bîye. Ma do qetî xeyal û armancanê aye bîyarê ca.''