Warê gerîlayan de cayê sohbetî yê tewr rindî yan zî cayê kombîyayîşî yê tewr rindî dormeyê cîhazê îrtîbatî yo.

Ma raştê kombîyayîşê winasênî yenê. Îşxalkerî xîret kenê ke îrtîbatê gerîlayan bibirnê ke binkewtişê înan eşkera nêbo. Coka parazîtan şawena cîhazê îrtîbatî yê gerîlayan.

Ma goş bidê dîyalogê gerîlayan. Her çi verê çiman de yo; kam bin kewto û kam ser keweno.

-Embaz şima senîn ê? 

-Rewşa her kesî hol a, selamê her kesî est o.

-La tirkî poşman nêbîyê ke ameyê Zapî?

-Zap poşman bîyê! La nêeşkenê apey şorê.

-Seke kenê nêkenê nêeşkenê apey şorê?

-Embazî nêverdenê ke şorê. Her kesî doz dayo, çew nêeşko şoro.

-Eşkera yo poşman bîyê la fayde nêkeno.

-Raşta zî poşman bîyê, cenazayê înan merkezê ma de mendê.

-Rewşa embazan senîn a?

-Rewşa embazan zaf hol a, xora şima zî teqîb kenê, her roje çalakîyan kenê.

-Moralê înan ca de yo?

-Moraş, bawerî û kêfweşîya înan ca de yê. Embazê ke şima şinasnenê, zaf selaman kenê.

-Selamê ma zî bikerê, xoverdayîşê înan seba ma çimeyêko tewr pîl o.

-Embazê ke Şehîd Şahînî de yê, embazê ke Kurojahroyî de yê, embazê ke Şikefta Birîndaran de yê pêro zaf selaman kenê.