Emîne Şenyaşara ke lajê ci û mêrdeyê ci nhetê merdiman û pawitoxanê wekîlê AKPyî Halîl Îbrahîm Yildizî ra kişîyayî, lajê xo Ferît Şenyaşarî reyde Gola Masêyan de 'Nobeta Edaletî' rê dewam kena. Nobeta edaletî ya keyeyê Şenyaşarî roja 18. de ya.

Emîne Şenyaşar serê sibayî Gola Masêyan zîyaret kerde ke Hz. Îbrahîm uca de seba ke edalet waştêne erzîyabî mîyanê adirî.

Keyeyî hesabanê xo yê medyaya komelkî de no mesaj pare kerd: ''Warê Hz. Îbrahîmî de ma dest pê têkoşînî kerd. Rixmê astengîyan zî ma do têkoşînê xo ra fek vera nêdê. Waştişê ma yê edaletî roja 18. de yo.''

Keye zîyaretî ra dima şi verê Edlîyeyê Riha û waşt ke dozgerî reyde dosya ser o pêvînayîş bikero. Pêvînayîş saete 16.00 de do bêro kerdene.