Endamê Meclîsê Temsîlkaran ê Herêma Kurdîstanî yê Têgêrayîşê Goranî Ele Heme Salihî derheqê hêrişanê îşxalî û talankerdişê xozaya Kurdîstanî yê dewleta tirke de bêvengîya hukmatê Herêma Kurdîstanî rexne kerde.

Heme Salihî pê nê mesajî tewirê xo ard ziwan:

''Bêvengîya partî û îdarekaran îşxalî ra, vêşnayîş û birnayîşê daran ra giranêr a. Leşkerê Tirkîya waranê Başûrê Kurdîstanî îşxal kenê, daran birnenê, veşnenê û benê. Ê plan kenê ke daristananê Zap, Metîna û Avaşînî çin bikerê û nê cayan de merkezanê leşkerîyan awan bikerê. No têna îşxal nê qirkerdişê xozaya Kurdîstanî yo. Tirkîya têna Başûr de nê şaristanê Dêrsimî yê Vakurê Kurdîstanî de zî xoza û rindîya herême çin kena.

Tirkîya erdê Başûrî sey erdê xo hesibnena û raşta raşe Xakûrkê ra yena. Nika zî wazenê Metîba û Zap de xo rê rayîran virazê, tede ca bibê. Tirkîya vera merdiman, xoza, hewa û 'Pilinganê' kurdan ê. Na bazirganîya daran nê rotişê netewe yo. Eke şima nêeşkenê bibê Elî Îhsan çira benê teqîbkerdox û şagirtê Tarik Akansuyî?

Bêvengîya Serekîya Herêma Kurdîstanî û partîyan sûcanê Tarik Akansuyî ra zêdêr dejnena.''