Wan de  kuçeyo ke banê Rexistina HDPyî tede yo reyna gerîya binê ablûqa. Polîsanê tirkî semedê tay keyeyanê ke îqtîdar verdayî HDPyî dormeyê banê partîye pê barîyeran girewt.

HDPyîjan zî seba ke 600 rojî ra zafêr o qedexeyê pêro çalakî û aktîvîteyan esto la rixmê nayî verê banê înan yeno girwetene nêrazîbîyayîş mojna. Wekîlê HDPyî yê Wanî Muazzeze Orhan û Murat Sarisaç zî tede grûbêke rayraşîyayîş kerd. HDPyîjî ke Kuçeyê Sanatî ra kewtî rayîr heta verê Walîtîya Wanî şîyî. Çalakîye de qedexeyê çalakîyan û hêrişê vera HDPyî ameyî şermezarkerdene.