Wekîlê Partîya Çepe ya Swêdî Nadia Awad û Hakan Svennelingî bi vîdeoyan veng da ke wa tecrîdê serê Rayber Apoyî bêro wedaritene û heqê azadîye yê şarî kurdî bêrê caardene.

Nadia Awad ard ziwan ke ê sey Partîya Çepe wazenê ke tecrîdê 26 serran ê serê Rayber Apoyî bêro wedaritene û nê vatî: ''Ma wazenê ke semedê wedaritişê nê tecrîdî wa Swêd warê mîyanneteweyîyî de xebatan bikero  û tesîrê xo ramojno. Caardişê winayênî nînê qebulkerdene. Tirkîya tim hêrişê Rojawanî kena û heqanê merdiman bipay kena. Ganî kerdişê Tirkîya cayê ci de memanê. Tirkîya kurdan qetil kena. Nê hêrişî nînê qebulkerdene. Heqê şarê kurdî yê edalet û azadîye est o. Ma nê têkoşînê kurdan de cayê înan de yê û ma do pîya ser bikewê. Wa tecrîdê serê Birêz Ocalanî bêro wedaritene. Wa biciwîyo şarê kurdî.''

HakanSvennelingî zî vat: ''Wedaritişê tecrîdê serê Ocalanî semedê haştîya Rojhelatê Mîyanênî hewce keno. Têkoşîno ke ma semedê tepişteyanê sîyasîyan ê Tirkîya kenê do zextanê serê Tirkîya zafêr bikero. Bi nê hewayî tepişteyê sîyasîyî eşkenê bibê azad û tecrîd zî do bêro wedaritene. Ma têkoşînê nê danê.''