Meclîsê Cinîyan ê Kongreya Demokratîke ya Şaran (HDK) Konferansê Cinîyan ê 13.  bi şîarê '2Ma bi hêvî rayra şinê, bi serewedaritişî gird benê, bi xoverdayîşî ser kewnî'' Merkezê Kultur û Hunerî yê Dr. Kadird Topbaşî yê qezaya Sancaktede viraşt.

Heyatê konferansî de bi şeş ziwanê flamayê Jin Jiyan Azadî pankartê “Aşıtî bi berxwedana jinan tê” ameyî daliqnayene. Verê konferansî cinîyan govende girewte bi slogananê Jin Jiyan Azadî heyate zimanaye.

Hemserak HDKyî Esengule Demir, Hemsereka Pêroyî ya DEM Partî Tulale Hatimogullari, Hemserka Pêroyî ya DBPyî Çigdeme Kiliçgun Uçar, aktîvîsta TJA, temslîkarê partîyanê sîyasîyan ê pabesteyê HDKyî û xeylêk kesî tewrê konferansî bîyî.

Badê vîjnayîşê dîwanî semedê şehîdan rêz ame girewtene û dima ra derheqê konferansî de sînevîyonêk ame seyrkerdene.

Qiseykerdişê akerdişê konferansî hetê Hemsereka HDPyî Esengule Demir ra ame kerdene. Demire vat: ''Seba ke şarê na cografya bieşkê azad biciwîyê ganî haştîye bêra. Coka ganî ma têkoşînî xurtêr bikerê. Her roje cinîyî yenê qetilkerdene. Sistem bi zanayîşî qetilkaranê cinîyan paweno. Ma semedê rijnayîşê sîstemê camêrd serdestî sere wedarenê, xover danê.''

Hemsereka Pêroyî ya DEM Partî Tulale Hatimogullari zî ard ziwan ke HDK hewceyê dahîna zaf rêxistinkerdişî yo û vat: ''Ma semedê çareserîye têna destê xo binê kerra nêkenê, eke hewce bikero ma ganê xo zî danê. La eke vanê qey ma milê xo kenê çewt, xelitîyenê.''

Vervatoxa Meclîsê Cinîyan a DEM Partî Halîde Turkoglu zî vat: ''Wextê nizdî de Îmraliyî ra ma rê selamî ameyî. Ma reyna dî ke rolê Birêz Ocalanî semedê çareserkediş meseleya kurdan senî gird o. Ewro yeno waştene ke felsefeya Jin Jiyan Azadî Îmrali de  bêra tecrîdkerdene la hetê bînî ra na felsefe dinya ra vila bena.Ganî wedaritişê tecrîdî rojdemê cinîyan de bo.''

Hemserka Pêroyî ya DBPyî Çigdeme Kiliçgun Uçar zî vat: ''Badê 43 mengan Birêz Ocalanî reyde pêvînayîş ame kerdene la awro reyna pêvînayîşê keyeyî seba hîrê mengan ame qedexekerdene. Nameyê nê qanûn û demokrasî nîyo, no yeno manaya ma şarê kurdî nasnêkenê û ma do zextê xo rê dewam bikerê. Semedê çareserkerdişê meseleya kurdan ganî vera tecrîdê Îmraliyî ma bibê vengo hempar.''

Sîyasetmedare Sebahate Tuncela ke 20 11 de vervatoxîya verêne a HDKyî kerde a zî nê vatî: ''Ê yê ke wazenê nê sîstemî rê vajî bes o, ganî bêrê têhet. Ganî ma ameyoxî pîya ronê. Ma bi serran o vanê ke meseleya kurdan bi muxataban yena çareserkerdene û muxatab Birêz Ocalan. Dewlete tewr peynî muxatabîye qebul kerde. Bahçeli vano wa Birêz Ocalan bêro meclîs de qisey bikero. No çîyêko muhîm o la senî yeno û şarê Tirkîya nê senî erjnenê. No prosesêko krîtîk o. Ma nêeşkenê nê însafê dewlete rê biverdê. Na babete ma serran o bedel danê. Na haştîye ma ya û naye ra metersê. Îqtîdar nê semedê tesfîyekerdişî û seba ke Rojhelatê Mîyanênî de kewto tenganî bikero zî, semedê ma çîyo muhîm programê ma yo. Ya ma yew rayîr vînenî ya zî rayîrêk akenê. Ganî paşta ma programê yê polîtkî ra pêt ba.''

Konferansî badê qiseykerdişan çapemenîye rê qefilnaye dewam kerd.