Gerîlayanê HPG û YJA-Starî bi şîarê 'Îşxalkerî ya nê erdî ra şorê, yan zî tede bimirê' vera artêşa tirke ya îşxalkere Başûrê Kurdîstanî de operasyonêko şorişgêr dabi destpêkerdene. Gerîlayanê beşdaranê operasyonî ANFyî rê qisey kerd.

Gerîlayê HPGyî Hewrê Çîyayî vat: ''Ma bi operasyonê xo armanc kenê ke îşxalkeran waranê xo ra vejê. Ma kenê ke bi taybetî Girê Amedîyê de şorê dişmenî ser û qesasê embazanê xo yê şehîdan zî bigêrê. Hetêkê bînî ra bi nê operasyonî ma wazenê embazanê xo yê tunelanê şerî rê zî destek bidê.''

Gerîlaya YJA-Starî Sakîne rojîn vat: ''Ma vera polîtîkaya tecrîdê Îmraliyî û seba destekê tunelanê şerî nê operasyonî rayîr a benê. Sey gerîlayanê YJA-Starî mesuldarîya ma ya ke ma serkêşîye bikerê.  Welat welatê ma yo. Ma do nêverdê ke dişmen erdê ma tekan bikero. Ma do bi ruhê şehîdanê fedayîyan têkoşîn bikerê û ser bikewê.''

Gerîlayê HPGyî Egîd Hesekêyî vat: ''Dişmen par neçare mendbi ke xo apey bianco. Emser zî reyna wazeno ke planê îşxalî temam bikero. La ma bi operasyonê xo rayîr nêdê ney. Pawitişê Kurdîstanî erkê gerîlayan o. Wextê ci ameyo ke ma artêşa tirke ça ra ameya bişawê ci. ''