Komployo Mîyanneteweyî yê 15ê Sibate yê vera Rayberê Şarê Kurdî Abdullah Ocalanî pê çalakîyanê cîya-cîyayan yeno protestokerdene.

Kurdîstanijan derheqê serrgêra Komployê 15ê Sibate de ANFyî rê qisey kerd û seba azadîya Rayberê Şarê Kurdî Abdullah Ocalanî venga têkoşînî da.

Azîte Egîd: Rayber Apoyo ke pê komployê hêzan ê mîyanneteweyîyan amebi tepiştene, 22 serrî yo Îmrali de yo. Ez hêvîdar a ke serra 2021î do biba serra azadîya Rayber Apoyî. Şar û gerîlayî do emser bikerê serra azadîya Rayber Apoyî. Wext wextê azadîye yo.

Dayê Kurdistan: Rayber Apo 23 serrî tecrîd de yo. Ez pê hêvîdar a ke şarê kurdî do wextêkê nêzdî de wurzo payan ser û tecrîd biqedîno. Rayber Apo rayberê merdimîye, azadîye û demokrasî yo. Eke Rayberê ma azad nêbo Kurdîstan zî do azad nêbo. 

Şahîn Xorasanî: Ez Komployê Mîyanneteweyî yê vera Rayber Apoyî şermezar kenê. Sîstemê kapîtalîstî seba ke dewaya kurdan çareser nêba Rayber Apo esîr girewt. Seba azadîya Rayber Apoyî ganî her kes mesuldarîya xo bîyaro ca.

Mamosta Xembar: Tecrîdê vera Rayber Apoyî vera pêro parçeyanê Kurdîstanî û terefgîranê azadîye yê Rojhelatê Mîyanênî yo. Ganî prosesê tecrîdî de her kes dest bido yewbînan û tecrîdê vera Rayberîye biqedno.

Zehra Rojhilatî: Ez hêvîdar a ke serra 2021î do biba serra azadîya Rayber Apoyî. Wext wextê azadîye yo.